Prindërit refuzojnë të bëjnë vaksina për fëmijët, thotë mjekja pediatre

Mjekja pediatre, Sonila Brati deklaroi se prindërit refuzojnë që fëmijët të bëjnë vaksinat, të cilat janë të kalendarit bazë të vaksinimit.

Në emisionin “Good Morning Albanians” në Euronews Albania, Brati u shpreh se ata nuk duan që fëmija të vaksinohet në moshën 1-vjeçare dhe të rivaksinohet në moshën 5-vjeç.

Sipas saj, prindërit kanë qenë edhe kundër vaksinimit të fëmijëve për Covid-19, pasi kanë pasur frikë për efektet anësore.

“Për prindërit është shumë e vështirë. Mund të them që, kur vaksinimi për fëmijët për covid vitin e kaluar ka nisur, fillimisht për moshat 16-18 vjeç dhe më pas për të ulur fashën, reagimet kanë qenë në disfavorin tonë. Prindërit kanë hezituar dhe kanë refuzuar që të bëjnë vaksinën covid te fëmijët.

Pjesa më e madhe e atyre që janë vaksinuar, kanë qenë për qëllime studimesh jashtë, pjesa tjetër e vështirë që të kenë kërkuar që të bëjnë vaksinën. Prindërit sot në Shqipëri refuzojnë të bëjnë shumë vaksina që janë të kalendarit bazë të vaksinimit; ka refuzime për vaksinën 1 vjeç, rivaksinimin në moshën 5 vjeç. Vaksinën për moshën 1 vjeç e lidhin me autizmin”, theksoi ajo.

LEXONI GJITHASHTU

• Vaksina anti-covid për foshnjat? Mjeku tregon kur këshillohet vaksinimi
• BE ndez debate, miraton vaksinimin kundër COVID për foshnjat nën 6 muajsh
• Kufizime gjatë festave në Itali, ministri i Shëndetësisë: Vaksina anti covid-19 do të jetë falas