Ish-futbollisti i Kombëtares: Ministrat vendosin baste dhe luajnë në kazino

Ish-futbollisti i Kombëtares shqiptare, Rudi Vata thotë se deputetë, po edhe ministra në vendin tonë, vendosin baste dhe luajnë në kazino.

Në një intervistë për Euronews Albania, Vata u shpreh se bastet janë katastrofike për vendin tonë dhe shtoi se të vetmit që kanë pasur fitim nga ky aktivitet, janë ata që i kanë kontrolluar.

“Në Shqipëri është katastrofë që të futesh në baste. Njerëzit në Shqipëri, që janë marrë me baste, janë disa njerëz që kanë konrolluar baste, kanë fitime. Një pjesë e tyre është edhe elitë shtetërore. Mund të ketë deputetë, mund të ketë ministra.

Unë njoh ministra që janë bixhozxhinj, bastexhinj, shkojnë në kazino në Budva. Kemi pasur një kryeministër që shkonte në kazino në Vjenë. Është një ves i keq që shkatërron familjet shqiptare”, theksoi ai.

Nga 1 janari 2023 do të rihapen bastet sportive online. Kjo bëhet e ditur në projektbuxhetin e vitit 2023, ku parashikohet rifutja në legjislacion e basteve sportive online.

Nga miratimi në ligj i lojërave të fatit ‘baste sportive’, me efekt nga 1 janari 2023, vlerësohet të arkëtohen në buxhetin e shtetit 2 miliardë lekë taksa në vit.

LEXONI GJITHASHTU

• Ngjela: Kush nuk i kontrollon dot bastet duhet të largohet
• ‘Jam kundra hapjes së basteve sportive’, Bushati: Duhet parë ligji
• Si do kontrollohen bastet online? Flet presidenti i KOKSH-it, Fidel Ylli