Porti i Durrësit në Kushtetuese, PD: Megaaferë korruptive

Partia Demokratike depozitoi në Gjykatën Kushtetuese marrëveshjen e Portit të Durrësit, të nënshkruar nga qeveria, por ende të pamiratuar në Kuvend.

Deputeti demokrat, Oerd Bylykbashi u shpreh se marrëveshje përbën grabitje të pasurisë publike për interesa private.

“Një aferë e gatuar në fshehtësi jo thjesht me mungesën e transparencës, por e bërë qëllimisht kështu sepse një grabitje e tillë e pasurisë publike për interesa private dhe dhënia për interesa përfitimi individësh privatë nën petkun e investorëve strategjikë, e godasim në gjykatën kushteutese.”, tha ai.

Opozita thotë se Gjykata Kushtetuese duhet ta rrëzojë marrëveshjen për të mbrojtur interesat e publikut.

“E gjitha është histori që bazohet te edi rama. Porti i Durrësit është aset i të gjithë shqiptarëve, në aspektin ekonomik dhe strategjik dhe të sigurisë”, theksoi Bylykbashi.

LEXONI GJITHASHTU

• ‘Mjerë kush prek protestuesit’, thirrja e Berishës për policinë
• ‘Të japë sqarime për paratë ruse’, Berisha: Të gjithë në protestë, përveç Bashës
• Berisha për Portin e Durrësit: Do e dërgojmë në GJK dhe do ngremë Komision Hetimor