VIDEO/ Oboti në Shkodër nën ujë, mijëra hektarë tokë të përmbytura

Ekipi i Euronews Albania udhëtoi sot me një nga makinat e ushtrisë drejt fshatit Obot në Shkodër, ku situata me përmbytjet është problematike.

Në pamjet e siguruara nga Euronews Albania shfaqet gjithë zona e përmbytur.

Kalimi në këtë zonë mund të bëhet vetëm me makina të ushtrisë. Një pjesë e banorëve po largohen nga fshati, ndërkohë që dëmet nuk janë të pakta në banesat e tyre.

Forcat e ushtrisë ndodhen në fshat që prej ditës së djeshme, në ndihmë të banorëve dhe gjësë së gjallë.

Situata vijon të mbetet problematike në qarkun e Shkodrës, për shkak të reshjeve të dendura të shiut të ditëve të fundit.

Mbi 480 familje aktualisht janë nën ujë dhe deri më tani janë evakuuar 30 familje. Zonat më problematike janë në njësitë: Dajç, Velipojë, Gur i Zi, Bërdicë dhe një lagje e qytetit, Ajasëm.

LEXONI GJITHASHTU:

• Ekipi i Euronews Albania në Obot të Shkodrës, gjithë zona e përmbytur
• Gruaja përlotet për shtëpinë e përmbytur: Punojmë për copën e bukës, asnjë ndihmë
• Nën ujë katet e para të banesave në zonën e ish-Kënetës në Durrës