Gazetari Lita tregon detajet: Në Shqipëri ka laboratorë të drogave sintetike

Lavdrim Lita, drejtor i portalit Faktor.al u shpreh në një intervistë për Euronews Albania se në Shqipëri ka laboratorë të drogave sintetike, të cilat janë më vdekjeprurëse se kokaina, heroina apo kanabisi.

“Këto laboratorë të kokainës fshehin faktin se në Shqipëri ekzistojnë dhe laboratorë të dograve sintetike. Në Shqipëri ka përdorim të drogave sintetike dhe mendohet që ka laboratorë për të zhvilluar këto droga shumë vdekjeprurëse sesa kokainë heroina apo kanabisi”, u shpreh ai.

Lita komentoi edhe zbulimin e laboratorit të kokainës në Fier, ku nënvizoi se është e pamundur që Viktor Çervanaku të drejtonte këtë rrjet, duke nënvizuar se ende nuk janë kapur kokat e këtij trafiku droge.

“Nuk besoj se një familje e thjeshtë nga Fieri, pavarësisht se Viktori ka një të kaluar shumë të çuditshme, pra ka qenë truprojë e një ish-ministri, më pas është marrë me letërsi, është një personazh pak i çuditshëm, më vonë u bë edhe politikan. Por, nuk mendoj është një person që ka organizuar gjithë këtë trafik deri në 200  kg kokainë.  Ne duhet të shikojmë porositësit por edhe investitorin dhe financuesin. Këta janë ekzekutuesit e operacioni, këta të arrestuarit nuk janë kokat. DEA dhe policia kanë  pritur që këta të komunikojnë me investitorët.

LEXONI GJITHASHTU:

• EMRAT | Zyrtari i OSHEE, mes 10 të arrestuarve për laboratorin e kokainës në Fier
• 430 kg kokainë në laboratorin e Fierit, SPAK: Një shqiptar e porositi nga Kolumbia
• Laboratori në Fier, Zhabina: U arrestua dhe djali i Çervanakut bashkë me të fejuarën