Ndoka me rezerva për shqiptarët e Zvicrës: Nuk duhet të ketë folklorizma në futboll

Kryetari i Partisë Demokristiane Nard Ndoka, ka komentuar ndeshjen mes Serbisë dhe Zvicrës të premten, ku fituese doli kjo e fundit.

I ftuar në emisionin “Good Morning Albanians” në Euroneës Albania, ai tha se në futboll nuk duhet të ketë folklorizma duke shtuar se veprimi i Xherdan Shaqirit në fushë nuk ishte i duhuri.

Ai shtoi se futbollistët shqiptar kanë zgjedhur të luajnë për Zvicrën ndaj duhet ta respektojnë atë.

“Goli ishte interesant dhe pa dyshim që nuk duhet të ketë folklorizma në futboll. Shaqiri ka zgjedhur të  përfaqësoj Zvicrën, do luaj për Zvicrën. Mendoj se me atë që bëri nuk e ka respektuar Zvicrën për faktin se duhet t’i përkushtohet në mënyrë totale, himnit kombëtar flamurit të Zvicrës. Këto janë folklorizma , por nuk është ky mesazhi që duhet të japë një futbollist profesional”- tha ai.

LEXONI GJITHASHTU: 

• Tifozja: Erdhi sigurimi për të më shoqëruar, mendova se do më gjuanin tifozët serbë
• Tifozja shqiptare që bëri shqiponjën në stadium: Nuk pranova të jap flamurin