Musliu: Makinat janë ndotësit kryesorë të ajrit në Kosovë

Drejtori i Drejtorisë së Shërbimeve Publike në Kosovë, Ilirik Musliu thotë se makinat janë një prej elementëve kryesorë të ndotjes së ajrit, kryesisht në Prishtinë.

Në emisionin “Good Morning Albanians” në Euronews Albania, Musliu u shpreh se numri i makinave në Prishtinë, edhe atyre tranzit, rritet çdo ditë.

“Realisht, ky është viti i parë që marrim një iniciativë të tillë, duke ditur që problemi gjatë dimrit me nivelin e rritjes së ndotjes së ajrit ndër vite, këtë herë jemi përgatitur më herët dhe kemi menduar se cilat do të jenë alternativat, zgjidhjet me e ul këtë nivel të ndotjes.

Nga analizat, studimet që kemi bërë del që elementët kryesore të ndotjes së ajrit janë makinat dhe numri i makinave në Prishtinë vetëm po rritet. Numri i makinave po rritet çdo ditë, gjithashtu edhe numri i makinave tranzit që kanë destinacion kryeqytetin. Kjo ka qenë ideja që qytetarët të stimulohen që të përdorin tansportin urban dhe të lënë makinat”, theksoi ai.

Komuna e Prishtinës ka vendosur të marrë disa masa me qëllim të zvogëlimit të ndotjes së ajrit në ditët kur parashikohet që niveli i ndotjes do jetë i lartë.

Seniha Bajraktari,  zyrtare e Lartë për Ambientet dhe Menaxhere e Cilësisë së Mjedisit në Drejtorinë e Shërbimeve Publike ka bërë të ditur se në ditët me ndotje të madhe, transporti urban do jetë falas.

LEXONI GJITHASHTU

• ‘Makinat e policisë transportojnë drogë’, deklarata e fortë e ekspertit
• VIDEO | Pamje brenda serave në Berat ku u gjendën 700 arka me kanabis
• VIDEO | Asgjësohet kanabisi në fermën në Berat