Roland Bejko: Gjuha e politikanëve shumë e rëndë, kulmoi me dhunë fizike

Pedagogu Roland Bejko komentoi dhunën e ushtruar ndaj kreut të PD-së Sali Berisha dhe njoftimin e dalë ditën e djeshme për largimin e ambasadores amerikane në Tiranë Yuri Kim.

Në një intervistë për Euronews Albania, Bejko theksoi se Kim u bë pjesë e politikës që prej vitit të kaluar kur Berisha u shpall “non grata” nga SHBA.

Më tej ai theksoi se Berisha-Rama-Meta është një treshe që do të qëndrojë për shumë vite në kurriz të shqiptarëve.

“Yuri Kim  që prej vitit të kaluar u bë pjesë e debateve politike. Berisha në PD e vërtetoi se ishte një mit për mbështetësit e tij dhe për këtë arsye këto mitet janë të paprekshme. Berisha-Rama- Meta është një treshe që do të qëndrojë dhe për shumë vite të tjera në qafën e shqiptarëve dhe Shqipëria do vazhdojë në këtë rrugë siç është. Ka një lloj terrori në vend, gjuha e politikanëve është shumë e rëndë dhe kulmoi gjithë kjo dhunë verbale, ku kulmoi me dhunën fizike ndaj vet Berishës”- theksoi ai.

Më tej ai theksoi se Berishës kur i intereson dhuna e mbron, ndërsa kur nuk I intereson e kthen në çështje politike.

LEXONI GJITHASHTU: 

• Arrestohet 35-vjeçari në Krujë, ishte në kërkim për plagosjen e një personi
• Berisha akuza Ramës: Është porositësi i dhunës së ushtruar ndaj meje
• A i tregoi pse e goditi Berishën? Flet avokati i Gert Shehut