Rikthehet frika e përmbytjeve, 400 ha tokë nën ujë nga reshjet në qarkun e Shkodrës

Reshjet e rëna në 24 orët e fundit në bashkinë e Shkodrës kanë rikthyer frikën e përmbytjeve të pak javëve më parë.

Zyrtarisht nga bashkia Shkodër raportohen rreth 400 hektarë tokë me prezencë uji në njësinë administrative Ana e Malit, ku problematikë paraqiteti rruga hyrëse në fshatin Obot.

Rritje të prurjeve pati dhe lumi Drin në kuotën 60 centimetër ndërsa hidrometri në Liqenin e Shkodrës u rrit me 50 cm.

Si pasojë e stuhisë së shiut pati problematika në furnizimin me energji elektrike në pjesën më të madhe të njësisë administrative Ana e Malit, në fshatim Beltojë dhe Malihebe në njësinë administrative Bërdicë ndërkohë që po vijon puna nga ekipet e Oshee për normalizimin e situatës.

Në disa rrugë rurale raportohet që të ketë rrëshqitje dherash ndërsa po punohet nga firmat e kontraktuara për pastrimin e tyre.

LEXONI GJITHASHTU

• Lumi Ishëm del nga shtrati, banori në fshatin Mallkuç: Përmbytje disa herë në vit
• Reshje intensive gjatë 24 orëve të fundit në Elbasan, nuk shfaqen problematika
• Moti i keq | Lumi Ishëm del nga shtrati, disa fshatra nën ‘pushtetin’ e ujit