‘Primaret në PD nuk sollën asgjë’, gazetari: Fituesit, kryetarë dhe sekretarë degësh

Gazetari Reldar Dedaj thotë se Primaret në Partinë Demokratike nuk sollën asgjë të re.

Në një intervistë për Euronews Albania, Dedaj u shpreh se fitues të këtyre Primareve, ishin kryetarë dhe sekretarë degësh.

Sipas tij, në këtë proces nuk kishte persona që mund të përfaqësonin vlerat qytetare apo intelektuale.

“Partia Demokratike, pikë së pari, në këto zgjedhje lokale futet në mënyrën më të keqe të mundshme. Nuk mund të konceptohet që një pjesë shumë e madhe e elektoratit, e simpatizantëve, të së djathtës në Shqipëri të jenë krejtësisht të përjashtuar. Faktikisht, Partia Demokratike duhet ta fillonte me një thirrje të sinqertë të simpatizantëve të tyre, duhet të kishte futur një trajtë tjetër, sepse Primaret nuk sollën një sukses të demokracisë, siç po e shesin.

Ato thjesht kanë përforcuar status-quonë. Po të shohësh, të gjithë fitues janë ose kryetarë degësh ose sekretarë degësh. Nuk kanë sjellë asgjë të re në aspektin, mund të vinte një person i cili përfaqëson vlerat qytetare, intelektuale të një qyteti, theksoi ai.

LEXONI GJITHASHTU

• ‘Gati për t’u ndeshur me PS-në’, Shehu: Shpresojmë rezultatin më të mirë më 14 maj

• Berisha: Yuri Kim keqinformoi DASH-in, Dvorani është një xhelat
• Shembja e pallatit te “Myslim Keta”, Berisha: Veliaj po nxit përplasjen me qytetarët