Kikia tregon faktet: Takimet e Ramës me zyrtarin e FBI dhe paratë që mori në garazh

Gazetari Menton Kikia tregoi në emisionin Now në Euronews Albania se ekzistojnë disa fakte të pakundërshtueshme lidhur me çështjen e ish-zyrtarit të FBI të arrestuar në SHBA.

Sipas gazetarit, vizitat shumë të shpeshta brenda një kohe të shkutër në Tiranë nuk janë raportuar as nga ish-zyrtari dhe as nga kryeministri Edi Rama. Kikia zbuloi se ish-zyrtari i FBI i mori paratë nga biznesmeni shqiptaro-amerikan Agron Neza në një garazh në Nju Jork.

“Fakt është që zyrtari i FBI ndërsa ishte në detyrë ka vizituar brenda 4 muajsh të paktën 4 herë Shqipërinë. Këto udhëtime s’i ka deklaruar tek eprori i tij. Ka marrë 225 mijë dollarë, i ka marrë në një garazh, një parkim nëntokësor në Nju Jork nga një shqiptaro-amerikan që është Agron Neza. Fakt është që ka qenë në Tiranë dhe as ai dhe as qeveria shqiptare nuk ka bërë asnjë njoftim, çdo gjë ka qenë mister. Rama ka pranuar se e ka takuar dhe e ka shumë mik vetëm pasi historia doli në sipërfaqe”, tha Kikia.

LEXONI GJITHASHTU:

• “Rënia dramatike e një agjenti të FBI”, Le Monde: McGonigal e rrëzoi lakmia
• Kush e bleu ish-zyrtarin e FBI? Përgjigjet deputeti i PS