Nëse ikën Ahmetaj, i hapet rruga juristit të njohur për të hyrë në Kuvend

Arben Ahmetaj është marrë zyrtarisht nën hetim nga Prokuroria e Posaçme.

Burime për Euroneës Albania bëjnë me dije se emri i ish-zëvendëskryeministrit është shënuar në regjistrin e personit ndaj të cilit po zhvillohen hetime për tre vepra penale si “Shpërdorim detyre”, “Korrupsion pasiv” dhe “Pastrim i produkteve të veprës penale”.

Ahmetaj është zgjedhur deputet i PS në qarkun e Tiranës pas zgjedhjeve të 21 prillit.

Gazetarja e Euronews Albania Eksiola Shehu tha se nëse Ahmetaj detyrohet të lërë mandatin e deputetit, në mënyrë vullnetare ose me kërkesë të SPAK, në listën e PS në qarkun Tiranë është Dallëndyshe Bici, që sipas votës preferenciale ka marrë më shumë vota.

Pak ditë më parë Bici zëvendësoi Artan Lamen në krye të Kadastrës dhe nëse Bici nuk do ta marrë mandatin e deputetit, atëherë do jetë juristi Plarent Ndreca që e merr mandatin e deputetit, pasi sipas votës preferenciale ka marrë 4008 vota në qarkun e Tiranës.

LEXONI GJITHASHTU:

• Ahmetaj në SPAK, gazetari: Vështirë se hetimi mund të nxjerrë diçka që ta fajësojnë
• Avokati: Si SPAK kontrolloi shtëpinë e bashkëjetueses së Ahmetaj pa mandat