Garë mes flakëve e aksidenteve/ Verstappen triumfon në Australi, Hamilton i dyti

Maks Verstappen ka triumfuar në garën e 3-të të sezonit të ri në Formula 1.

Piloti 25-vjeçar bëri një nisje jo të mirë, por në fund arriti ta përfundonte garën para të gjithëve. Në vendin e dytë u rendit Hamilton, ndërsa në të tretin Alonso.

Gara e Australisë rezultoi ‘e çmendur’, ku nuk munguan penalizimet dhe aksidentet.  Që në nisje të garës, Verstappen u parakalua nga Russel e Hamilton, ndërsa më pas ishte Le Clerc i cili përplasi makinën Ferrari. Në xhiron e 18-të makina e Russel shpërtheu në flakë, ndërsa pas rinisjes Verstappen shkëlqeu.

Kur mbetën edhe 3 xhiro nga fundi i garës, një tjetër aksident u regjistrua, ku këtë herë ishte radha e Magnusen, duke sjellë një tjetër flamur të kuq. Në përfundim treshja e podiumit ishte Verstappen, Hamilton e Alonso, me 25-vjeçarin i cili regjistron fitoren e dytë në 3 gara të zhvilluara. Kujtojmë se gara e Arabisë Saudite u fitua nga Perez, ndërsa ajo e radhës është në Azerbajxhan.

LEXONI GJITHASHTU:

• Vershtapen planifikon largimin nga F1: Kam shumë gjëra për të bërë në jetë
• Verstappen bëhet piloti i parë holandez që titullin kampion në F1