Nënkalim te sheshi ‘Skënderbej”, Këlliçi prezanton planin për trafikun në Tiranës
Një tunel poshtë sheshit “Skënderbej” me 4 kalime që lidh dy bulevardet kryesore të Tiranës. Ky është propozimi që prezantoi kandidati i koalicionit “Bashkë Fitojmë”, Belind Këlliçi këtë të enjte. Sipas tij, ky projekt sjell përfitime ekonomike për qytetarët, pasi ulja e kohës në trafik rrjedhimisht ul edhe shpenzimet për karburant.
“Së pari, kjo është një kosto shumë e lartë për buxhetin e familjeve. Familjet e Tiranës shpenzojnë dy herë më tepër karburant për makinat e tyre, si pasojë e një trafiku që nuk ndalon kurrë. Sipas përllogaritjeve tona, fatura financiare për familjet që përdorin makinat, pikërisht për hir të trafikut, është më e madhe se 100 mijë lekë të vjetra në muaj (ose 100 euro në muaj)”,-tha Belind Këlliçi, kandidat e koalicionit “Bashkë Fitojmë” për Bashkinë Tiranë
Por reduktimi i trafikut në qendër të Tiranës, sjell edhe përfitime shëndetësore, duke ulur nivelin e ndotjes.
“Së dyti, edhe më e rëndësishme, ka të bëjë me shëndetin e banorëve. Ndotja në qendër të Tiranës si pasojë e trafikut është rreth 5 herë më e lartë. Ndërkohë në të gjithë Tiranën është shumëfishuar numri i të sëmurëve të aparatit respirator, veçanërisht është rritur numri i fëmijëve astmatikë pikërisht prej kësaj ndotjeje”,-tha Belind Këlliçi, kandidat e koalicionit “Bashkë Fitojmë” për Bashkinë Tiranë
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 15:32 “Braçellari, emër shumë i njohur në Korçë”, Hoxha: Dhjetëra operacione për ta arrestuar
- 15:32 Sulm ndaj një ekipi shëndetësor në Kongo, autoritetet të shqetësuara për përhapjen e Ebolës
- 15:23 Grabitën 15 tonë kokainë, Artan Hoxha: Karteli jep 30 milionë dollarë për t’i gjetur
- 15:04 U plagos në Maliq, efektivi i nënshtrohet një ndërhyrjeje kirurgjikale
- 14:50 Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona
- 14:50 Mojtaba Khamenei shpall fitoren ndaj SHBA: Armiku u poshtërua në fushën e betejës