1 Maji, Stroni: Të ketë solidaritet mes sindikatave për një qëllim të vetëm

Gent Stroni, kryetar i sindikatës për shëndetësinë, tregoi se si e krijuan sindikatën e tyre ndërsa parashtroi dhe kërkesat që kanë për qeverinë.

Në një intervistë për Euronews Albania, ai tha që mes punonjësve dhe punëmarrësve duhet të ketë një lloj bashkëbisedimi në mënyrë që të zgjidhen problemet në punë.

Sipas tij sindikatat duhet të solidarizohen me njëri-tjetrin në mënyrë të interesit të përbashkët.“Detyrimisht duhet që mes punonjësve dhe punëmarrësve të ketë një lloj bashkëbisedimi , për zgjidhjen e problemeve. Sindikata është një organizim vullnetar i punonjësve të një shërbimi dhe këta mblidhen vullnetarisht. Sindikatë mund të krijojnë dhe tre perosna por ideja qëndron se një sindikatë e fuqishme duhet të ketë një anëtarësim sa më të madh me persona në atë fushë që ata aderojnë. Më fokusin tonë janë kërkesat që sindikata jonë ka ndaj qeverisë, që është shëndetësia. Sindikata është e fortë atëherë kur ka anëtarësi të fortë. Mesazhi që dua të përçoj është që të ketë solidaritet dhe me sindikatat e tjera, për një qëllim të vetëm”- tha ai.

LEXONI GJITHASHTU: 

• Ilir Meta: 18% e buxhetit shkon për investime, të tjerat për propagandë dhe ahengje
• Punonjësit e Call Center-ave në protestë, brenda 2 viteve u larguan 10 mijë të rinj