“Ballkani kontrollohet nga krimi i organizuar”, Elezi zbulon shtetin problematik

Analisti Bedri Elezi lëshoi deklaratën e fortë duke thënë se Ballkani kontrollohet nga krimi i organizuar.

Në një intervistë për Euronews Albania, ai theksoi se grupet kriminale kanë pasur ndikim të jashtëzakonshëm në rajon e sidomos në Serbi .

Sipas tij ka pasur raste kur dhe presidenti serb, Aleksandër Vuçiç është ndjerë i kërcënuar.

“Përpos grupeve kriminale serbe, përfshihen dhe grupet kriminale ruse që kanë pasur  ndikim të jashtëzakonshëm në rajon, sidomos në Kosovë. Kemi pasur raste ku Vuçiç dhe struktura të caktuara kanë qenë të kërcënuara nga grupet kriminale. Ballkani është në një situatë serioze përsa i përket krimit të organizuar. Në këtë pikë asnjë  vend në rajon, as Kosova, as Shqipëria, por jo në nivelin që është Serbia. Kjo është arsyeja që BE heziton që të na bëjë pjesë të familjes së tyre sepse djem dhe vajzat tona kanë aktivitete të rrezikshme në Europë dhe në botë”- tha ai.

Elezi mes tjerash theksoi se strukturat kriminale kanë ndikim në Ballkan dhe pse jo te organizimi i jetës shoqërore.

LEXONI GJITHASHTU:

• “Kjo është e mërzitshme”- Video e Mbretit Charles III që ankohet gjatë kurorëzimit
• Kujtim Gjuzi thirret në SPAK