‘Do helenizoj Himarën’, Dule komenton deklaratën e Belerit: Po e përdor Rama

Vangjel Dule, kreu i PBDNJ reagoi për deklaratën e kreut të qeverisë Edi Rama i cili reagoi ashpër ndaj kandidatit të koalicionit Berisha-Meta në Himare, Fredi Belerit, i cili tha gjatë një interviste për mediat greke se do të helenizojë Himarën e do të hapë shkolla greke atje.

Në një intervistë për Euronews Albania, Dule theksoi se kjo është një deklaratë tendicioze nga Rama pasi po kërkon të ‘vrasë’ politikisht dhe elektoralisht Belerin.

Më tej ai nënvizoi se helenizmi dhe helenizimi janë dy gjëra të kundërta.

“Ky është një akt tendencioz. Helenizimi është një proces dhe Helenizmi është një gjendje. Me këtë manipulohen vetëm batakçinj, dhe fatkeqësisht janë në nivelet më të larta. Rama kërkon të vrasë politikisht dhe elektoralisht Belerin. Nuk ka akuzë ndaj Belerit për momentin që të jetë bërë publike ose zyrtare. Të gjitha që fliten në media janë hamendësime. Do isha i fundit ti hyja në hak kryeministri.”- tha ai.

LEXONI GJITHASHTU: 

• Arrestimi i Belerit, Dule: S’pati asnjë njoftim, urdhrin e dha Prokuroria e Vlorës
• “Shit-blerje votash”- Detaje nga arrestimi i Belerit, përfundon në spital shoqëruesi