Arrestimi i Belerit/ Rama: As unë dhe askush nuk ndërhyn në çështjet e drejtësisë

Kryeministri Rama në një konferencë për mediat reagoi edhe në lidhje me ngjarjen e Himarës ku u arrestua Fredi Beleri, kandidati i koalicionit “Bashkë fitojmë”, i cili u shpall fitues.

“Sa i përket çështjes së Himarës dua të jem shumë i qartë. Së pari dua të respektojë zgjedhjet në Greqi dhe të mirëkuptojë inflammimin e retorikës duke u përpjekur për sa më shumë urtësi dhe vetëpërmbajtje nga ana ime dhe nga ana jonë.

Kemi bërë një punë të jashtëzakonshme me qeverinë greke për të ngritur një urë të re të madhe të gjerë bashkëpunimi dhe për ta çuar në një nivel tjetër marrëdhënien e Shqipërisë dhe Greqisë dhe unë jam i vendosur të bëj maksimumin para se të jem i detyruar të reagoj proporcionalisht.

Dua me këtë rast të theksojë se institucionet e drejtësisë në Shqipëri mund të kenë problemet e tyre, por askush, nga unë i pari nuk i kam kontestuar asnjëherë problemet e tyre. E lë më pastaj të tjerë dhe pastaj të tjerë akoma nga jashtë Shqipërisë”.

LEXONI GJITHASHTU:

• Rama premton tur falënderimesh: Ndihem i vogël përpara kësaj fitoreje të madhe
• Rezultatet paraprake për Këshillin Bashkiak në Tiranë, kryeson PS