“Me Amerikën nuk ka lojëra”, Arifi: Ja ku gaboi Albin Kurti

Shqiprim Arifi, kreu i Partisë Alternativa për Ndryshim tha në një intervistë për Euronews Albania se kryeministri i Kosovës, Albin Kurti ka gabuar në menaxhimin e situatës në Veri duke prishur dhe marrëdhëniet me Shtetet e Bashkuara të Amerikës.

Ai tha se më shumë në sy po i bien veprimet e ndërkombëtarëve se i presidentit serb, Aleksandër Vuçiç.

“Është totalisht e çuditshme, më duket sikur jam në ëndërr. Nuk di si ta përshkruaj këtë situatë, më vjen shumë keq për kombin shqiptar saqë atë që e kam thënë para disa javësh apo muajsh, që jo zyrtarisht Albin Kurti është non grata tashmë po vërtetohet që edhe Kosova të shpallet non grata. Kjo është një e keqe që politikanët si në Kosovë dhe në Shqipëri kanë punuar ditë natë 30 viteve të fundit që kurrë mos të ndodhë. Brenda dy viteve gjithë këtë e ka shkatërruar Albin Kurti,” – u shpreh Arifi.

Sipas tij me Amerikën nuk ka lojëra dhe një situatë e tillë jo vetëm e çudit, por dhe e shqetëson shumë se për çfarë do të sjellin ditët në vijim.

LEXONI GJITHASHTU:

• “Nuk e dorëzojmë republikën tonë te këta fashistë”, Kurti flet për situatën në Veri
• Tensionet në Veri, Rama: Fuqia e ushtrisë serbe në kufi të Kosovës është zero