Kosova si Ukraina? Gazetarët përplasen për situatën në veri

Genc Burimi i ftuar në Euronews Albania e krahasoi situatën e tensionuar në veri të Kosovës, me situatën e luftës në Ukrainë. Por gazetarja Gerta Zaimi tha se nuk mund të krahasohen këto dy vende, pasi sipas saj rëndësia e  Ukrainës është shumë më e madhe sa u takon politikave botërore.

“Amerika është garante e pavarësisë së Kosovës dhe të Ukrainës. Ukrainë/ Kosovë është e njëjta gjë, por djalli shikohet në detaje; Amerika dhe Perëndimi garantojnë pavarësinë, por jo identitetin territorial shembulli, Krimeja, është Ukraina e pavarur por pa Krimenë. Në Metrovicë është e njëjta gjë. Kjo po ndodh sot  me Ukrainën. Mos ngatërroni pavarësinë me integritetin territorial, kjo i duhet Kosovës, se kemi një zonë gri që është pa shtet e cila është Mitrovica”,-tha Genc Burimi.

Gerta Zaimi nga ana tjetër tha se nuk e kupton logjikën e Genc Burimit, pasi sipas saj është e tepruar të thuash se Kosova është si Ukraina. Ajo tha se rëndësia e Ukrainës është shumë më e madhe.

“Është lufta e Ukrainës ajo që po bën përcaktimin e shumë politikave të jashtme në Europë, është ajo që po çon në përshpejtimin e vendeve të Ballkanit Perëndimor në hapa shumë të shpejtuar dhe me seriozitet nga ana e Europës për t’i futur, është ajo që po përshpejton edhe liberalizimin e vizave për Kosovën.

Pra, lufta në Ukrainë, ka determinuar një sërë politikash të jashtme europiane dhe amerikane. Lufta në Kosovë, kur u bë nuk determinoi dhe sot e kësaj dite ajo nuk determinon as lëvizjet e Europës e as të Amerikës. Është egocentrizëm shumë i madh t’i krahasosh”,-tha Gerta Zaimi.

LEXONI GJITHASHTU:

• Punëtori u rrëzua dhe ra nga lartësia, procedohet penalisht pronari i hotelit
• Lajçak flet pas takimit me Ramën dhe Kurtin: Duhet zgjidhje urgjente