Ambasadori Durmishi për draftin e Ramës: Nuk e gjykojmë dot, s’e dimë përmbajtjen

Ambasadori i Kosovës në Shqipëri, Skënder Durmishi ishte i ftuar në Euroenws Albania ku ndër të tjera ka folur edhe për draft-statutin e kryeministrit Rama për Asociacionin e komunave në veri të Kosovës.

Ambasadori Durmishi tha se nuk mund ta kritikojë draft-statutin, pasi nuk e di përmbajtjen e tij dhe është pikërisht mos informimi për përmbajtjen e draftit, arsyeja se pse kryeministri Rama po “kritikohet” nga Kosova.

“Në të gjitha prononcimet në Kosovë, nga personalitetet që kanë një besueshmëri, ka dominuar ky diskurs, për hapat, procedurën dhe përmbajtjen e draftit. Drafti mbase ka mbërritur në adresën e tyre, por gjithsesi kjo është e vetmja vërejtje, nuk e dimë përmbajtjen.

Ajo mund të jetë përmbajtja më e mirë në botë, mund të jetë brilante, këtë do e tregoj koha, por unë duke qenë se nuk e di përmbajtjen nuk mund të flas me paragjykime. Kryeministri Rama mund të ketë një arsye më të fortë se këto konstatime që po themi ne por në këto momente kjo qasje ka dominuar në Kosovë”,-tha për Euronews Albania ambasadori Durmishi.

LEXONI GJITHASHTUL:

• Si “rrodhi” videoja e Safet Gjicit? Gazetari zbardh skemën: U shpëtoi nga duart!
• “Këto janë sekrete!”, Trump pranon konfidencialitetin e dokumenteve