Partizani mbërrin në Hungari, bjellorusët cilësohen favoritë

Nuk cilësohen favoritë, por kjo nuk e tremb aspak synimin e tyre, Partizani me sytë drejt kualifikimit. Të kuqtë kanë mbërritur këtë të hënë në Hungari, ku të mbrëmjen e së martës do të përballen me bjellorusët e Bate Borisov.

Barazimi i regjistruar në Tirana 1 javë më parë, nuk i zbeh aspak shancet, ku mes skuadrave ka barazi. Trajneri Zoran Zekic ka besimin se të besuarit e tij do të bëjnë mirë, e do të kthehen me një biletë për më tej në shtëpi. Udhëtimi i Partizanit nisi në orën 8 nga aeroporti Nënë Tereza, ku kanë mbërritur në Budapest e më tej drejt ambienteve të akomodimit.

Kompanitë ndërkombëtare cilësojnë favorite skuadrën bjelloruse në këtë sfidë kthimi, por fusha e lojës tregoi krejt të kundërtën, një paraqitje më e mirë e skuadrës shqiptare. Në rast të një kalimi më tej, Partizani do të përballet me qipriotët e Aris Limasol, ndërsa nëse eleminohet do të marrë pjesë në raundin e dytë kualifikues ku përballet me një mes Atletik Klab nga Andorra e Buducnost i Podgoricës.

LEXONI GJITHASHTU:

• Telushi largohet nga Partizani 4 javë pas kontratës, shkak përplasjet me trajnerin
• Trajneri i Partizanit: Nesër ne nuk kemi alibi, duhet të japim më të mirën