Presidenti Begaj pret në takimin e lamtumirës Ambasadoren e BE, Hohmann

Presidenti i Republikës Bajram Begaj ka pritur këtë të premte në takimin e lamtumirës, Ambasadoren e Bashkimit Evropian në Shqipëri, znj. Christiane Hohmann.

Gjatë takimit, Presidenti Begaj çmoi rolin e Ambasadores Hohmann në detyrën e rëndësishme të përfaqësimit të delegacionit të BE-së në Tiranë.

Kreu i Shtetit vuri në dukje se Znj. Hohmann erdhi në krye të delegacionit vetëm pak ditë pasi Shqipëria kishte çelur negociatat për anëtarësim me Bashkimin Evropian një vit më parë.

Për Kreun e Shtetit, anëtarësimi në BE është objektivi strategjik më madhor i Shqipërisë dhe shqiptarëve.

Në fund të takimit, Presidenti Begaj i uroi suksese znj. Hohmann në karrierën e saj.

LEXONI GJITHASHTU:

• Inceneratorët| Berisha: Do bëj gjithçka që ky popull të ngrihet në protesta
• “Vuçiç ka kontroll të plotë te serbët në veri”, Raci: I paguan, ndaj protestojnë