Basha pas Asamblesë së PS: Qeveri e damkosur, s’i shpëton dot drejtësisë me tubime

Kreu i Partisë Demokratike Lulzim Basha ka reaguar me anë të një postimi në Facebook, pas Asamblesë Kombëtare të Partisë Socialiste, ku kryeministri Rama foli gjerësisht për arritjet e drejtësisë së re.

Basha shkruan në postimin e tij se kjo qeveri është e damkosur nga SPAK për aferën e inceneratorëve dhe sipas tij, nuk mund t’i shpëtojë drejtësisë me tubime partiake.

“Qeveria e damkosur nga SPAK për aferën e inceneratorëve nuk i shpëton dot drejtësisë me tubime partiake ku bashkë i bën vetëm frika e ndëshkimit prej zullumeve që kanë bërë në kurriz të shqiptarëve.

Drejtësia duhet të vijojë punën e saj për hetimin e aferës së inceneratorëve, sterilizimit dhe çdo denoncimi për korrupsionin shtetëror në çdo hallkë. E pandikuar nga presioni qeveritar apo politik i kujtdo qoftë. Kjo është mënyra e vetme për të vënë para drejtësisë abuzuesit me pasuritë e shqiptarëve dhe bashkëpunëtorëve të tyre që e kanë lënë Shqipërinë peng të Edi Ramës”,-shkruan Basha.

LEXONI GJITHASHTU:

• Ndryshimet në Qeveri, Bardhi: Makiazh për fytyrën e kalbur nga korrupsioni i Ramës
• Rama në Asamblenë e PS: Qasja jonë është që të mos përzihemi me drejtësinë e re