Rikthehet Euro 2024, sfida emocionuese. Kuqezinjtë zbresin sot në fushë

Franca është shumë pranë sigurimit të një bilete për europianin e vitit të ardhshëm që zhvillohet në Gjermani. Gjelat kanë arritur të fitojnë në 4 përballje të luajtura në grupin E, ndërsa mbrëmjen e kësaj të enjte luajnë me Irlandën. Ndeshja e parë u fitua minimalisht nga trikolorët, ndërsa goli shënohej nga Pavard në pjesën e dytë. Të besuarit e Deschamps cilësohen favoritë.

Në këtë grup një tjetër përballje që pritet me interes është ajo mes Holandës dhe Greqisë. Në Eindhoven, tulipanët do të luajën gjithcka për gjithcka, ndërsa e nisën rrugëtimin me disfatën e thellë ndaj Francës, ndërsa mundën të fitojnë ndaj Gjibraltarit. Në anën tjetër, helenët renditen të dytët në grup me dy fitore dhe nëj humbje.

E enjtja rikthehet me disa përballje të tjera interesante, mes tyre dhe Poloni-Ishujt Faroe në grupin E, ku bën pjesë Shqipëria. Polakët numërojnë 3 pikë, kundrejt 1 të kundërshtarit, ndërsa një fitore do t’i rikthente sërish në lojë në këto kualifikuese. Në dy përballjet e fundit me njëra-tjetrën, Polonia ka shënuar 10 gola, ndërsa nuk ka pësuar asnjë. Edhe në këtë përballje polakët nuk e diskutojnë fitoren, ndërsa 3 ditë më pas do të udhëtojnë drejt Tiranës, ku i presin kuqezinjtë.

LEXONI GJITHASHTU:

• “Duam të shkojmë në Euro 2024”, Silvinjo flet për objektivat e kuqezinjve në shtator
• Euro 2024| Atmosferë pozitive tek kuqezinjtë, Shqipëria synon 6 pikë