Revoltohet Arbër Zaimi: Krimineli i madh që po mbron Serbia

Arbër Zaimi, anëtar i Kryesisë së VV-së tha në emisionin Now në Euronews Albania se sulmi terrorist ndaj policisë së Kosovës në Veri është udhëhequr nga Radiçiç dhe njerëz të lidhur me persona me pozitë të lartë politike në Serbi.

“Armatimi, financimi dhe vendi ku janë përgatitur këta persona… Është vërtetuar se komandanti i kësaj çete çetnikësh ishte Radoiçiç, krimineli, terroristi i ciki është jashtë Kosovës dhe i plagosur. Dhe është njoftuar se një pjesë  e atyre sulmuesve janë të rrethit të afërt me pozitë të lartë shtetërore në Serbi”, tha Zaimi.

Sipas tij, të gjitha provat e siguruara nga sulmi në veri tregojnë se ngjarja terroriste që  solli në rënien e policit Afrim Bunjaku  ka adresë dhe urdhërdhënës që njihen.

“A do marrë Serbia përgjegjësi për këtë çështje, kjo varet nga presioni që do bëhet, Serbia ka fshehur për vite me radhë kriminelin Karaxhiç me gjithë presionin perëndimor”, tha ai.

LEXONI GJITHASHTU:

• Krasniqi: U cenua sovraniteti, PDK mbështetje të plotë institucioneve të Kosovës
• Sulmi terrorist, gazetari: Ja arma misterioze “204” e ushtrisë së Serbisë