Basha: Paratë që shkojnë në xhepat e pushtetarëve të kthehen te qytetarët

Kreu i Partisë Demokratike Lulzim Basha ka reaguar me anë të një postimi në Facebook duke thënë se paratë që shkojnë në xhepat e pushtetarëve duhet të kthehen në të mira për qytetarët.

Kreu i PD-së tha se është jetike t’i jepet fund pandëshkueshmërisë ndërsa shtoi se të korruptuarit duhet të japin llogari para drejtësisë.

Postimi i plotë

Sot isha në Dibër ku pash nga afër shqetësimet e tregtarëve për rritjen e çmimeve dhe rënien e fuqisë blerëse të qytetarë që, me buxhetin e vogël në dispozicion, nuk arrijnë të plotësojnë të gjitha nevojat e tyre.

Ky është realiteti prej vitesh – thonë tregtarët. Kjo ka ndikuar në largimin masiv të rinisë duke pamundësuar edhe shfrytëzimin e sektorit të bujqësisë dhe blegtorisë në këtë zonë.

Ata përballen me vështirësi të shumta, që nga mungesa e mbështetjes për shtresat e varfëra, për sektorin e bujqësisë e blegtorisë, mungesa e tregut dhe vendeve të punës, çka ka sjellë dhe rënie të fuqisë blerëse.

Qytetarë të varfër, korrupsion i lartë. Ky është realitetit sot në Shqipëri që po detyron shqiptarët të largohen nga vendi.

Prandaj sot është jetike t’i jepet fund pandëshkueshmërisë. Të korruptuarit duhet të japin llogari para drejtësisë e paratë që u kanë marrë shqiptarëve t’u kthehen mbrapsht.

Paratë që sot shkojnë në xhepat e pushtetarëve të kthehen në të mira për qytetarët.

LEXONI GJITHASHTU:

• “Malltezi trashëgimtar legjitim” / Boçi: Leja e ndërtimit u firmos nga vetë Edi Rama
• “Proces i montuar politikisht”, Bozdo: Berisha dhe Malltezi do dalin të pastër