Avokati i Frrokut thyen heshtjen: Lidhja e ish-deputetit me Kishën Katolike e pronat

Sokol Dednderaj, avokati i ish-deputetit Mark Frroku sqaroi në emisionin Now në Euronews Albania pozicionin e këtij të fundit në konfliktin e armatosur të ndodhur disa ditë më parë në Kepin e Rodonit.

Ai tregoi se Mark Frroku nuk është përfaqësues i Kishës Katolike por administrator i kompanisë që ishte kontraktuar nga kisha për instalimin e rrjetit ekzistues të rrethimit ekzistues.

“Kjo pronë nuk është e Kishës katolike po provincën françeskane që është në Shqipëri që në shekullin 13, dhe në atë kohë është ndërtuar kisha e Shënadout. Kjo sipërfaqe toke është rrethuar që në ‘92 nga at Zef Pllumi dhe vendimi për rrethimin e kësaj prone është bërë se i skadonte afati i kontratës paraprake. Duke qenë se leja është dhënë në 2002 dhe i skadonte afati është lidhur një kontratë shërbimi me firmën AMP grup me drejtues Mark Frroku. Kontrata është instalimi i rrjetit ekzistues të rrethimit ekzistues, pra do bëhej një instalim rrjeti mbi të. Kanë shkuar punonjësit e shërbimit të bëjnë rrethimi që është i gjithë pjesës jugore të pasurisë së marrë nga provinca françeskane. Rreth orës 10 ka shkuar polica dhe ka folur me Frrokun që ka prezantuar dokumentacionin. Pasi ka ikur policia kanë ardhur këta njerëz me shkopinj dhe mjete të forta. Frroku nuk është përfaqësues i kishës”, tha ai.

LEXONI GJITHASHTU:

• Përplasja ndodhi për pronën, policia për konfliktin e Mark Frrokut: U qëllua me armë
• Kush janë të arrestuarit në konfliktin e Mark Frrokut, në vendngjarje dhe 1 gëzhojë