Sulme terroriste në Kosovë? Ja paralajmërimi i politikanit serb

Politikani serb, Boban Bogdanoviç tha për “Balkan Talks” në Euronews Albania se Aleksandër Vuçiç ishte pjesë e sulmit terrorist në Banjskë dhe nga kjo është e thjeshtë për t’u kuptuar që ka pasur si synim të nisë një destabilizim.

Sipas tij, presidenti serb donte të krijonte një krizë ndërkombëtare të armatosur në mënyrë që të vendoste një protektorat në veriun e Kosovës, me qëllimin që të forconte pozitën e vet në negociatat me Kosovën dhe në bisedimet me Quintin e Britaninë e Madhe.

“Unë kam shprehur dyshimet e mia, por jam gati i sigurt se në periudhën që po vjen do të ketë incidente të ngjashme në veri të Kosovës, sepse ekskluzivisht i konvenon Aleksandër Vuçiçit që të ketë situatë jostabile, në mënyrë që të ketë potencial për të ikur nga obligimet ndaj bashkësisë evropiane, pra që t’i ikë njohjes së pavarësisë së Kosovës.

Unë do të përmend një gjë që i kam thënë bashkësisë ndërkombëtare, dhe që e kam ndarë në X. Ju kujtohet fjalimi i Vuçiçit në OKB, në të cili ai tha se po u drejtohet shteteve dhe kombeve të vogla. Ai ishte sinjal i qartë për Palestinën, dhe për të gjitha territore tjera që kanë potencial të madh terrorist, që të nisin lëvizjet e tyre “çlirimtare”, ashtu siç e provoi Milan Radojçiç me terroristët e tij në veri të Kosovës,” – deklaroi Bogdanoviç.

LEXONI GJITHASHTU:

• “Ishte shumë e vështirë”, politikani serb: Ika brenda natës, kërkova azil
• Deklarata e fortë e politikanit serb: Milan Radojiçiç mund të vritet nga Vuçiç