Erdogan injoron Blinken, gazetari: Çfarë ndodhi në vizitën në Turqi

Gazetari shqiptar në Turqi Sokol Brahja komentoi në një intervistë për Euronews Albania vizitën e sekretarit amerikan të shtetit Blinken në Turqi një ditë më parë në kuadër të konfliktit të përgjakshëm në Lindjen e Mesme.

Blinken u prit ministri i Jashtëm i Turqisë Hakan Fidan, por jo nga presidenti Erdogan.

Brahja tha se ardhja e Blinken shënon të parin diplomat të lartë amerikan që pritet në këtë nivel kaq të ulët në historinë e Turqisë.

“Ardhja e Blinken shënon të parin diplomat të lartë amerikan që pritet në këtë nivel kaq të ulët në historinë e Turqisë. Se çfarë është folur me Hakan nuk dihet as nga mediat turke. Mediat turke prej 24 orësh thonë se Blinken u prit në një ambient ku ishte vendosur një bust i xhamisë Al-Aksa  dhe kjo është folur me shumë. Sot shumë analistë dhe ekspertë kanë shkruar gjëra të ndryshme; pse nuk u takua me Erdogan, a janë të vërtetë fjalimet agresive të Erdogan kundër Netanjahut apo është një pazar. Ajo që ka dalë më shumë në pah është fakti se Turqia nuk e ka atë pozitë të fuqishme që kishte në konfliktin Rusi-Ukrainë”, tha gazetari.

LEXONI GJITHASHTU:

• Përçapjet diplomatike të SHBA për luftën në Izrael, pse Erdogan nuk e priti Blinken
• Tubim masiv pro Palestinës në Stamboll, Erdogan: Izraeli është një pushtues