Shiste doza kanabisi në zona të ndryshme në qytet, në pranga 29-vjeçari në Shkodër

Një 29-vjeçar është arrestuar në Shkodër pasi është kapur duke shitur doza kanabisi në zona të ndryshme të qytetit. Policia bën me dije se në pranga ka rënë shtetasi F. M, banues në Shkodër.

“Në lagjen “Dergut”, shërbimet e Policisë kanë kapur në flagrancë shtetasin F. M., 29 vjeç, banues në Shkodër, të cilit gjatë kontrollit fizik i kanë gjetur një sasi lënde të dyshuar narkotike kanabis, të ndarë në doza, gati për shitje”-njofton policia.

Gjithashtu, gjatë kontrollit në banesën e këtij shtetasi, janë gjetur një tjetër sasi lënde narkotike kanabis e ndarë në doza dhe qese faramaceutike për paketimin e tyre.

Lënda narkotike u sekuestrua në cilësinë e provës materiale, bashkë me automjetin dhe celularin e 29-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Prodhimi dhe shitja e narkotikëve”.

LEXONI GJITHASHTU:

• “Ertjan Kofsha ngre 22 ton peshë në ditë”-flet trajneri i kampionit të botës
• Shtyhet seanca për Berishën, SPAK kërkon përjashtimin e gjyqtares