RMV heq ndalimin për avionët rusë, në Shkup pritet mbërritja e Sergei Lavrov

Qeveria e Maqedonisë së Veriut ka dhënë miratimin që të heqë ndalimin e fluturimit të avionëve rusë. Ky vendim lejon delegacionin rus, përfshirë kreun e diplomacisë ruse, Sergei Lavrov, të zbarkojnë në Shkup për Këshillin Ministror të OSBE-së do të mbahet më 30 nëntor dhe 1 dhjetor.

Megjithatë, ende nuk ka konfirmim nëse Lavrov do të udhëheqë delegacionin. Sipas të dhënave jo zyrtare, në këtë takim mund të marrë pjesë vetëm zëdhënësja e ministrisë së Jashtme Ruse, Marija Zaharova.

Ndalimi i fluturimeve të avionëve ruse është një masë e vendosur që prej shkurtit të vitit 2022 nga vendet e BE dhe NATO, si formë reagimi për ofensivën ushtarake ruse në Ukrainë.

LEXONI GJITHASHTU:

• Rama në Samitin e NATO-s në RMV: Krizat po rrezikojnë drejtpërdrejtë rajonin
• Lavrov rikonfirmon lidhjet e Rusisë me Korenë e Veriut