Derbi i Italisë pa fitues, pak gola dhe raste shënimi mes Juventusit dhe Interit

Një ndeshje ashtu siç pritej, me pak gola dhe raste shënimi ishte derbi i Italisë mes Juventusit dhe Interit, ku skuadrat ndanë pikët. Një përballje e cila edhe pse në fushë dy emra të mëdhenj të kampionatit Italian, për shikuesit nuk prodhoi spektakël. Bardhezinjtë me disa ndryshime në formacion e nisën më mirë pjesën e parë, duke u përpjekur të sulmojnë. Goli i parë do të vinte në minutën e 27 me autor serbin Vlahoviç, teksa 6 minuta më pas shënoi Lautaro duke rikthyer ekuilibrat.

Minutat në vijim nuk prodhuan shumë edhe pse miqtë nga Milano ishin më kërkues. 1-1 me rezultat përfundimtar që nuk ndikon aspak në renditje, por i shërben Milanit që të mos shkëpusë distancën me kreun.

Në fundjavë Roma u kthye tek fitorja, ku mposhti Udinesen në shtëpi 3-1. Mançini, Dybala dhe El Shaarawy ishin autorët e golave për ekipin e Mourinhos, ndërsa në anën tjetër francezi Thauvin.

Ky triumph i afron kryeqytetasit në vendin e pestë në tabelë. Frosinone e Sassuolo morën nga 3 pikë të dielën, ndërsa ndeshja Cagliari-Monza u mbyll në barazim.