“Po kërkohet roje për një 79-vjeçar”, avokati i Rithemelimit: Masa e SPAK ekstreme

SPAK kërkoi masën e sigurisë me “arrest shtëpie” me mbikëqyrje policore për ish-kryeministrin Sali Berisha gjatë seancës së sotme në GJKKO.

Krahas kësaj, në kërkesën e SPAK kërkohet që Berishës t’i ndalohet komunikimi me persona të tjerë veç pjesëtarëve të familjes.

Avokati i Rithemelimit, Franc Nuri tha në një intervistë për Euronews Albania se masa e SPAK ndaj Berishës, në një kohë që ky i fundit është i moshuar dhe nuk ka rrezikshmëri shoqërore.

“Është një masë e rëndë që është kërkuar nga SPAK për gjykatën. Në lidhje me arrestin në shtëpi, është një nga masat më të rënda se parashikohet që të rrijë polic te dera që ka një listë të familjarëve. Ajo që nuk dihej është që të kërkohet ndalimi total i komunikimit. Të dyja këto masa janë ekstreme dhe janë të jashtëligjshme në rastin konkret, se këto masa janë të parashikuara vetëm për persona me rekorde kriminale. Berisha është mbi 70 vjeç, nuk ka asnjë lloj rrezikshmërie shoqërore, as rrezik për të prishur provat,  është e ekzagjeruar. Për çfarë kërkohet arresti në shtëpi për një person 79 vjeç dhe kërkohet edhe roje”, tha avokati.

LEXONI GJITHASHTU:

• SPAK kërkoi mbikqyrje policore, Berisha: Batalion le të vendosin, s’e kam problem
• A mund ta kryejë masën e arresit në seli të PD? Avokati: Berisha do arrestohej nëse…