Barcelona në finalen e superkupës, Juventusi eliminon Frosinonen në Itali

Finalja e së dielës në Superkupën e Spanjës premton spektakël, ku dy skuadrat më të mira të vendit përballen me njëra-tjetrën. Barcelona, ashtu si më parë madrilenët kaloi pa probleme Osasunën, të cilën e mposhti me rezultatin 2-0. Një ndeshje në të cilën të dyja skuadrat patën rastet e tyre, por me blaugranët që falë kualiteteve arritën të zgjidhin sfidën.

Pjesa e parë do të mbyllej pa gola, ndërsa në të dytën Barcelona do të shënonte dy herë fillimisht me bomberin polak Lewandowski e më pas Yamal, i ardhur nga stoli, duke vulosur triumfin 2-0. Në orën 20 më 14 janar, luhet finalja e kupës me Realin e Madridit.

Ditën e enjte u luajt dhe çerekfinalja e fundit e kupës së Italisë, ajo mes Juventusit dhe Frosinones. Bardhezinjtë fituan pa vështirësi, duke shënuar plot 4 gola, ndërsa u anulua një tjetër me autor Milik. Polaku ishte i jashtëzakonshëm duke shënuar 1 tripletë, ndërsa edhe Yildiz gjeti rrugë ne rrjetës, për të vulosur triumfin e radhës për Allegrin. Zonja e vjetër avancon kështu në gjysmëfinale aty ku e pret Lazio, një ndër skuadrat pretendente për fitimin e trofeut.

LEXONI GJITHASHTU:

• Merkato e janarit| Sancho zyrtarisht lojtar i Dortmund, Bayern blen tek Tottenham
• Milani eliminohet nga kupa, Lazio kualifikohet mes grushteve
• “Kam dhe 1 vit jetë”, ish-trajneri i Anglisë diagnostikohet me kancer: Nuk dorëzohem