Atentat ndaj shqiptarit në Greqi, qëllohet 3 herë me armë zjarri nga afër

Një atentat me armë zjarri ka ndodhur mbrëmjen e së mërkurës ndaj një shqiptari në qytetin e  Kato Achaias, në Greqi.

Sipas informacioneve të mediave greke, gjithçka ka ndodhur rreth orës 23:30, kur 43-vjeçari shqiptar po kthehej për në banesë.

Teksa 43-vjeçari ndodhej jashtë rrethimit të shtëpisë së tij, atij i është afruar një makinë e zezë e drejtuar nga një i panjohur, i cili ka nxjerrë armën, ia ka drejtuar 43-vjeçarit dhe e ka qëlluar nga afër nga brenda makinës.

Atentatorët qëlluan tre herë ndaj shqiptarit dhe u larguan me shpejtësi.

Si pasojë e të shtënave, 43-vjeçari mbeti i plagosur në bel, me njërën nga plagët depërtuese.

Fillimisht ai u transferua në Qendrën Shëndetësore Kato Achaia dhe më pas në spitalin e Rios për të marrë një kujdes më të specializuar mjekësor.

Në vendngjarje u gjetën dy gëzhoja pistolete 9 mm dhe një fishek i deformuar. Ende nuk dihen motivet e tentativës për të vrarë 43-vjeçarin, ndërkohë që hetimi vijon.

LEXONI GJITHASHTU:

• U gjet gjysmë i zhveshur dhe i masakruar, misteri i vrasjes së shqiptarit në Itali
• “Një takim intim”- Autopsia e shqiptarit që u gjet i zhveshur: U qëllua nga mbrapa