“Mos i vrisni ujqërit, është ekologjisti më i madh”-ambientalisti Sazan Guri

Aktivisti Sazan Guri ishte këtë të mërkurë i ftuar në “Good Morning Albanians” ku tha se duhen marrë më shumë masa për mbrojtjen e mjedisit.

Ai tha se duhet të kemi kujdes edhe me kafshët që po zhduken në vendin tonë, e duhen krijuar ligje për mbrojtjen e tyre.

Guri tha mes të tjerave se ne nuk mund të zhdukim ujkun, i cili sipas tij është ekologjisti më i madh pasi ha vetëm kafshët e sëmura.

“Ujku është kafsha që dallon atë që nuk e dallon dot njeriu, mjekësia dhe laboratori më modern. Lopën me brucelozë shkon e skarcon direkt. Brenda 1 sekonde vret 12 lopët e sëmura. Duhen vendime për këtë.

Unë pata një rast, i ngula këmbë ujku ka ngrënë lopët e sëmura, se ujku është ekologjisti më i madh në botë. Më pas më thanë kishe të drejtë. Shkuan të bënin analizat dolën lopët me brucelozë”,-tha Sazan Guri.