“Bayern nuk më motivon”-Joachim Low flet për të ardhmen: Objektivi im është botërori

Pauza e Joachim Low që prej largimit nga kombëtarja gjermane ka qenë më e gjatë nga sa e kishte menduar, por nuk ka një vendim për tu tërhequr nga futbolli.

64-vjecari u ndal të fliste për të ardhmen, ndërsa pohoi se dëshira e tij është që të drejtojë një kombëtare.

“Nuk jam tërhequr nga futbolli, por do të kthehem vetëm nëse jam 100% i bindur. Një objektiv për mua është Botërori i radhës, që do të zhvillohet në Amerikë, Kanada dhe Meksikë. Kjo ide më duket emocionuese. Pas Kupës së Afrikës, Kupës së Azisë dhe Europianit, disa federata ndoshta do të kërkojnë përsëri trajnerë të kualifikuar për kombëtaret”, tha ai.

Më tej Low u pyet dhe për Bayernin, nëse do të ishte dakord të drejtonte skuadrën më të trofeshme në Bundesligë.

“Bayerni ndoshta nuk është i interesuar për mua si trajner, as unë nuk do të isha i interesuar për Bayernin. Kam qenë trajner i ekipit kombëtar këtu, në Gjermani, për një kohë të gjatë (2006-2021). Sigurisht, klubet janë një opsion shumë i mirë, por për mua nuk përbëjnë më motivim”, shtoi Low.

Joachim Loë drejtoi së fundmi kombëtaren gjermane, tek e cila qëndroi për 15 vite, ku dhe arriti të shpallej kampion bote. Nën drejtimin e panzerave numëron plot 198 ndeshje, me 124 fitore, 40 barazime dhe 34 humbje.

LEXONI GJITHASHTU:

• Futbolli gjerman në zi! Pas Beckenbauer, ndërron jetë edhe legjenda Andreas Brehme
• Ndryshon rregullorja e futbollit, futet për herë të parë kartoni blu