Çfarë na mësoi gara e Bahreinit

Sezoni i ri, avaz i vjetër do të thuhet pas startit në Bahrein por ne kemi përzgjedhur 10 elementë që mësuam nga gara e fituar prej kampionëve në fuqi në F1. Masterklasi i Red Bull nuk ka nevojë për koment dhe kjo justifikoi mënyrën se si dominoi në Sakhir.

E megjithatë skandali që përfshiu Christian Horner nuk ka përfunduar, siç ai po shpresonte. Përveç të tjerave kjo çështje rriti presionin ndaj Perez në luftën për titull. Nga ana tjetër problemi me frenat la në hije progresin që Ferrari ka bërë me gomat.

Potenciali i vërtetë i McLaren vazhdon të jetë ende i fshehur ndërsa gabimi në llogaritje për sistemin ftohës goditi fort Mercedes në Bahrain. Përplasja e Hulkenberg në kthesën e parë nuk e lejoi Haas të tregonte përmirësimin e gomave. Ndërkohë Alpine duket në problem më të mëdha se sa mendonin pilotët e saj.

Sërish me pilotët por ata të RB Visa Cash që nuk po kalojnë një raport të mirë. Në fund rregulli për përdorimin e DRS, skuderitë janë të kënaqura që mund ta aktivizojnë që në xhiron e dytë, një më përpara se një vit më parë.

LEXONI GJITHASHTU:

• Red Bull dominon garën e parë të Formula 1
• Euronews Albania, pit stop-i i ri i “Formula 1”
• Verstappen mundi Leclerc për të 1’in “pole position” të sezonit 2024