Paralajmërimi i ekspertit: Kambanat e alarmit për luftë ka kohë që bien

Eksperti i sigurisë Redon Qiriazi komentoi në një intervistë për Euronews Albania hapjen e bazës ushtarake të NATO në Kuçovë.

Sipas tij, kambanat e alarmit të për luftë kanë kohë që bien, dhe elemente kërcënimi të sigurisë tonë kombëtare dhe të rajonit kanë kohë që ekzistojnë.

“Elemente kërcënimi të sigurisë tonë kombëtare dhe të rajonit kanë kohë që ekzistojnë, qoftë nga destabiliteti që ka prodhuar Serbia në rajon apo ndërhyrja ruse, duke përfshirë ndërhyrjen në zgjedhjet në Mal të Zi, Bosnjë, kemi raste të terrorizmit të sponsorizuar nga qeveria e Serbisë në Kosovë. Paqja është relativisht e brishtë, askush s’e besonte 2 vjet më parë se Rusia do sulmonte Ukrainën, edhe pse shërbimet sekrete e thoshin një gjë të tillë. Nëse duam paqe, duhet të përgatitemi për luftë, është gjithmonë mirë që t’i kemi krahët e ngrohtë”, tha eksperti.

LEXONI GJITHASHTU:

• NATO ngre bazën ushtarake në Kuçovë, Mediu: Vlerësim shumë i madh për Shqipërinë
• Hapja e Bazës së Kuçovës, Rama: Element sigurie për Ballkanin, dikur i shërbente BS