Shtohen turistët, kreu i operatorëve turistike: Po largohen 30 mijë punëtorë në vit

Shqipëria shënoi një rekord historik vitin e kaluar me rreth 10 milionë turisë. Por drejtues të shoqatës së operatorëve turistikë thonë se problemi kryesor mbetet mungesa e punonjësve në shërbimet e hotelerisë.

Shqipëria po behet gati për sezonin veror, por ashtu si një vit më parë, mungesa e fuqisë punëtore, vijon të jetë problemi kryesor për sipërmarrësit.

 “Për 7 vjet janë trefishuar kapacitet akomodukese ndërkohë ka gati 30-40 mijë punonjës që largohen çdo vit”, tha Zak Topuzi, kreu i shoqatës së operatorëve turistikë.

Turizmi I kufizuar dhe mungesa e një page përgjatë gjithë vitit, është shkaku kryesorë përse këta punonjës zgjedhin vendet e rajonit për tu punësuar.

 “Nuk i jep mundësi punonjësve të jenë të kualifikuar dhe të stabilizuar duhen politika fiskale duke i stimuluar. Ne i kualifikojnë dhe ata largohen ne vendet e rajonit”,-Zak Topuzi.

Numri I turistëve që pritet të vijnë në Shqipëri, përgjatë sezonit veror, është dyfishuar. Në platformat e rezervimeve online, ka një rritje me 30% të të huajve që kanë zgjedhur të kalojnë pushimet verore në vendin tonë.

“Për sezonin e verës ka një rritje me 20-30%, kjo është pozitive, por nuk duhet të synojmë rritjen e numrit të turistëve por të cilësisë”,-tha Topuzi.

Turizmi, siguron 22% të prodhimit të përgjithshëm bruto në Shqipëri dhe 43.6% të eksportëve shqiptare. Për kreun e shoqatës së operatorëve turistikë, për të pasur si klientë të kënaqur dhe punonjës besnike të Shqipërisë, industria e turizmit duhet të ketë një vëmendje më të shtuar.