“Integrimi i Shqipërisë i pamundur”, Dhuli: Sa të jetë Mitsotakis në qeveri

Juristi Skerdjan Dhuli u shpreh se integrimi i Shqipërisë në BE është i pamundur për aq kohë sa kryeministri grek Mitsotakis është në qeveri.

Këtë e tha i ftuar në emisionin “Review” në Euronews Albania, ku tha mes të tjerash se nëse raportet mes dy vendeve do të ishin më të buta, çështja e detit , por dhe çështje të tjera do të zgjidheshin më lehtë.

“Në këtë moment ne nuk do ishim në këtë lloj marrëdhëniesh, pjesa me detin sigurisht që do të ekzistonte, po nëse ne do të kishim raporte politike më të buta, jam i bindur që raporti për historinë e detit do të ishte më i qetë dhe zgjidhja e tyre do të ishte më e lehtë. Sot që ne flasim bllokimi i integrimit është fakt dhe unë jam i bindur që për aq kohë sa në Greqi do të jetë qeveria e djathtë, integrimi i Shqipërisë me përjashtim të legjislacionit evropian nuk do të jetë i mundur. Mitsotakis në Greqi ka një terren të qetë politik në Greqi. Pala greke ndaj nesh ka pushtetin e të qenit bllokues”-tha ai.

LEXONI GJITHASHTU: 

• “Më fal”/ Filmi me metrazh të shkurtër prezantohet në Pogradec 
• Ekspozita në Gjirokastër/ Fëmijët e talentuar në pikturë prezantojnë botën e tyre