Kampionati shqiptar në fazën e 4-ët, Egnatia rrezikon kreun e klasifikimit

Faza e katërt dhe e fundit e Superligës shqiptare është ajo më deicizivja për fatet e 10 ekipeve pjesëmarrëse. 9 javë të cilat do të vendosin final 3, play out si dhe ekipet që do të kthehen në kategorinë e parë. 3 duele luhen të shtunën duke nisur me Erzeni-Laci, ndërsa në orën 17 Skënderbeu-Egnatia dhe Teuta-Partizani.

Të dielën Kukësi pret Vllazninë, ndërsa Tirana-Dinamon. Aktualisht janë luajtur 27 javë, ku ekipet e vetme që kanë ndeshje të prapambetur janë Dinamo e Teuta, kjo për shkak të reshjeve të shiut.

Deri më tani asnjë verdikt nuk është final, si për kreun ashtu dhe për zonën e ftohtë. Fitorja minimale me Laçin i jep shpresë Kukësit, i cili në rast se fiton dy sfidat e radhës, shkon drejt fazës Play out. Në anën tjetër, ekipi më premtues mbetet Vllaznia, me formën aktuale duke hedhur kandidaturën për tu shpallur kampion, edhe pse në fund gjithçka vendoset në final 4. Shkodranët i kanë fituar të 5 ndeshjet e fundit, e duke përfituar nga rivalët e Egnatias, i afrohen atyre me vetëm 2 pikë diferencë.

Në vendin e tretë është Partizani i Orges Shehi, tashmë i eliminuar nga kupa e me synimin e vetëm kampionatin. 2 humbje në 5 ndeshje janë shumë për kampionët në fuqi të cilët dua të përsërisin sezonin e fundit. Gara për vendin e 4-ët do të jetë e fortë e cila garanton njëkohësisht final 4 por edhe pjesëmarrjen në kupat e Evropës.

LEXONI GJITHASHTU:

• F1 në Euronews Albania- Ndiqni Australian GP në datat 23-24 Mars
• Zbulohen 2 lokale ku viheshin baste sportive, arrestohet 1 pronar, tjetri në kërkim