VIDEO| Aksidenti me disa të plagosur në Durrës, shpëtohet pas 1 ore shoferi

Një aksident i rëndë ka ndodhur mbrëmjen e kësaj të enjte në Durrës, në afërsi të Urës së Dajlanit.

Një makinë me shpejtësi mësohet se është përplasur me një karburant. Katër persona janë nisur drejt spitalit për mjekim, ndërsa 2 janë në gjendje të rëndë.

Një prej personave është akoma në automjet. Në pamjet e siguruara nga korrespondentja e Euronews Albania, Kloida Gjuzi, duket tentativa e forcave zjarrfikëse të cilat sharruan makinën për të shpëtuar shoferin.

Shofer i makinës ishte një 23-vjeçar, i cili u arrit të shpëtohej pasi për rreth 1 orë qendroi i bllokuiar në makinë, ndërsa pasagjerë ishin edhe 2 djem e një vajzë.

Njoftimi i policisë:

Durrës/Informacion paraprak

Rreth orës 20:15, në autostradën Durrës-Tiranë, shtetasi M. Ç., 30 vjeç, duke drejtuar automjetin ka humbur kontrollin mbi drejtimin e automjetit dhe për pasojë është përplasur me një shtyllë në një karburant.

Si pasojë janë dëmtuar drejtuesi i automjetit shtetasi M. Ç dhe pasagjerët shtetasit K. G, N. V dhe E. V, të cilët ndodhen nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit.

LEXONI GJITHASHTU:

• Aksident i rëndë në Durrës, 3 persona dërgohen në spital në gjendje kritike
• Aksidenti në aksin Kardhiq-Delvinë, raportohet për një shtetas ukrainas të vdekur