Dakordësia PS-Rithemelim, zbardhet kërkesa e Grupit të PD për 2 Komisionet Hetimore

Është zbardhur kërkesa e Grupit Parlamentar të Partisë Demokratike, për dy Komisionet Hetimore, për të cilat u tha se u ra dakord në negociatat mes PS dhe “Rithemelimit”.

Komisionet Hetimore do të përbëhen nga 15 anëtarë, të cilët do të hetojnë punën e qeverisë në 2 raste.

Pritet të ngrihet Komision Hetimor për Shërbimin Publik të Sterilizimit dhe shërbimin publik të Check-Up në Shëndetësi.

Po ashtum Komision Hetimor pritet të ngrihet edhe për Trajtimin e të dhënëve të sistemit TIMS.

Kujtojmë se opozita e nisi aksionin e protestave në Kuvend, pikërisht me argumentin se mazhoranca po i ndalonte të drejtën për ngritjen e Komisioneve Hetimore.

Protestat në Kuvend nisën vetëm pak ditë pas vendosjes së ish-kryeministrit Sali Berisha në “arrest shtëpie” me akuzën për korrupsion, në dosjen e privatizimit të ish-kompleksit Partizani.

LEXONI GJITHASHTU:

• “Nuk ka marrëveshje, por dialog politik”, Bardhi i përgjigjet Ramës për komisionet
• Dakordësia me opozitën|Spiropali: Ngritja e Komisioneve Hetimore, e drejtë e pakicës