Plazh për myslimanet në Spille? Akokatja Migena Balla kundër pedagoges Tafçiu…

Ideja e krijimit të një plazhi për gratë dhe vajzat myslimane në Spille, u bë temë diskutimi mes pedagoges Malvina Tafçiut dhe Avokates Migena Balla të cilat ishin të ftuara mëngjesin e kësaj të premteje në “Good Morning Albanians” në Euronews Albania.

Ishte Tafçiu ajo e cila e ka propozuar këtë ide më herët, duke thënë se kjo është një mënyrë që gratë myslimane të ndihen më rehat për të shijuar plazhin, por edhe për të shmangur bullizimin.

Nga ana tjetër, avokatja Balla tha se një kërkesë e tillë nuk është e nevojshme pasi gratë myslimane janë të lira të bëjnë plazh ku të duan me veshjen islame dhe asnjë ligj në Shqipëri nuk ua ndalon këtë.

Pjesë nga debati:

Avokatja Migena Balla: Për sa kohë ligji të lejon të shkosh ku të duash, ti mund të lahesh ku të duash me veshjen islamike. Ne nuk jemi në Francë ku është e ndaluar të lahesh me burkini.

Pedagogia Malvina Tafçiu: Nëse e marrim nga ana e ligjit, jam shumë në rregull, unë lahem si të dua dhe ku të dua. Problemi është te ata që u bën vapë veshja jonë.

Avokatja Migena Balla: Le tu bëjë, nuk është problemi im që i bën vapë veshja ime. Unë nuk iki nga ajo vend, atje do rri sa kohë kam të drejtën ligjore për ta bërë plazhin ku të dua. Nëse nuk të lejon dikush është shkelje ligjore.

LEXONI GJITHASHTU:

• Nutricionisti 70 vjeçar: Nëse hani fruta nuk keni pse pini ujë
• Avokati: Alda Klosi nuk u lirua nga amnistia, por sepse i mbaroi dënimi i përcaktuar