Vrau qiradhënësin, Gjykata e Shkodrës dënon me 22 vite burg Lekë Vuksanin

Lekë Vuksani, autori i vrasjes së shtetasit Petrit Vuksani, është dënuar me 22 vite burg nga Gjykata e Shkallës së Parë në Shkodër.

Ngjarja ka ndodhur në maj të vitit 2023, ku sipas Prokurorisë, 52-vjeçari Petrit Vuksani i cili ishte emigrant në Angli ia ka lënë banesën e tij me qira autorit kundrejt një pagesë mujore.

Viktima përpara se të ndodhte vrasja kishte rreth një muaj që ishe kthyer nga Anglia. Shkak i kësaj ngjarje të rëndë dyshohet të jetë bërë fakti se ka pasur disa fatura të papaguara nga 34-vjeçari autori i krimit, gjë që ka çuar edhe në një debat mes tyre pak ditë para vrasjes.

Ngjarja duket se ka qenë e paramenduar, pasi Lekë Vuksani në momentin kur ka shkuar në banesë ka qënë i armatosur dhe ka hapur zjarr ndaj viktimës.

Raportohet po ashtu se autori i dyshuar nuk njihej si person problematik dhe rezulton pa precedentë penalë.

Kujtojmë se pavaresisht mbiemrit të njëjtë, mes viktimës dhe autorit nuk ka lidhje familjare.

LEXONI GJITHASHTU:

• Vrau në banesë 51-vjeçarin në Shkodër, lihet në burg Lekë Vuksani
• Vrasja e Vuksanit në banesë, ish-zyrtari i policisë: As hasmi nuk të vret në shtëpi