Gazetari nga burgu i Drenovës: Nëna ka 2 ditë që pret djalin me lot në sy

780 të dënuar u liruan nga burgu ditën e djeshme ndërsa për 2662 persona të dënuar me shërbim prove u mbaroi dënimi. Ndërkohë për protestuesit e opozitës që u pushohet çështja janë 232.

Euronews Albania ka qenë në transmetim në të gjitha burgjet e vendit përmes gazetareve për të pasqyruar daljen e të burgosurve dhe momentet kur ata takoheshin me familjaret e tyre.

Gazetari Xhensil Shkëmbi tregoi në emisionin GoodMorning Albanians rastin e një nëne që dje priste para burgut për djalin e vet i cili ka përfituar nga ulja e dënimit, por i kishin mbetur edhe disa javë për të vuajtur dënimin.

“Sot po priste përsëri këtu, nuk e filmove, nuk e filmova as dje, lotët e një nëne asnjë kameraman në botë nuk është i denjë t’i filmojë. Po flisja me të dhe po më thoshte që ka 6 vjet pa e takuar se është e sëmurë dhe e ka të pamundur që të futet brenda perimetrit dhe të përballet me ato kontrollet e rrepta dhe të imtësishme”, tha ai.

LEXONI GJITHASHTU:

• I riu lirohet nga amnistia pas 10 vitesh, apel politikës: Bëjeni më shpesh këtë ligj
• Amnistia| Motra emocionohet teksa pret të vëllanë të lirohet: Ka 24 vite në burg