Biznesmeni i arratisur, Dushko Knezheviç, ekstradohet nga Britania në Mal të Zi
Biznesmeni i akuzuar Dushko Knezheviç, është ekstraduar në Mal të Zi nga Britania e Madhe më 30 prill, njoftoi Administrata e Policisë e Malit të Zi. Mali i Zi është në kërkim të tij për disa procedime penale.
“Për shkak të dyshimit se ka kryer vepra penale të shpërdorimit të pozitës në veprimtari biznesi me anë të nxitjes, krijimit të organizatës kriminale dhe pastrimit të parave”, thotë policia.
Përkatësisht, Prokuroria Speciale e Shtetit është në kërkim të Knezheviqit, pronar i Atlas Group, që nga korriku i vitit 2019 dhe ndaj tij janë ngritur tri aktakuza – për organizim të grupit kriminal, pastrim parash dhe keqpërdorime në ekonomi.
Që prej fillimit të hetimeve, ai ka banuar në Britaninë e Madhe, shtetas i së cilës është.
Ekstradimi u krye herët në mëngjes me një fluturim special mes Londrës dhe Podgoricës.
Procedura e ekstradimit u krye nga Drejtoria e Policisë dhe Prokuroria Speciale e Shtetit të Malit të Zi, nga njëra anë, dhe Ministria e Punëve të Brendshme e Britanisë së Madhe, me mbështetjen e Zyrës së oficerëve ndërlidhës të Britanisë së Madhe në Beograd dhe Ambasadës së tyre në Podgoricë.
Knezheviq do të dërgohet në Gjykatën e Lartë në Podgoricë.
Katër ditë para ekstradimit, ish-kryeministri Dritan Abazoviq tha se do të ishte mirë që presidenti i Atlas Group, Dushko Knezheviq, të ishte dëshmitar i mbrojtur në Mal të Zi dhe t’i tregonte prokurorisë gjithçka që di për bizneset dhe aktivitetet ekonomike të ish-qeverisë.
Për vite me radhë, Knezheviç konsiderohej nga publiku vendas si njeri i afërt me ish-kryeministrin Millo Gjukanoviq. Ai merrej me biznese miliona dollarëshe në banka, ndërtim, arsim.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 15:23 Grabitën 15 tonë kokainë, Artan Hoxha: Karteli jep 30 milionë dollarë për t’i gjetur
- 15:04 U plagos në Maliq, efektivi i nënshtrohet një ndërhyrjeje kirurgjikale
- 14:50 Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona
- 14:50 Mojtaba Khamenei shpall fitoren ndaj SHBA: Armiku u poshtërua në fushën e betejës
- 14:46 Miratohet projektligji për CENSI-n e bujqësisë, fermerët që nuk përgjigjen, do të gjobiten
- 14:43 Kursi i Euros me Lekun bie përsëri, po shkon drejt pragut të 95 lekëve