“Fëmija që sheh dhunë, bëhet i dhunshëm”, Çepani-psikologes: Duhet thyer cikli…

Ngjarja e rëndë e ndodhur në Shkodër ku nëna dyshohet të jetë vetëmbytur së bashku me tre fëmijët e mitur ka bërë që edhe njëherë dhuna në familje të bëhet temë në media.

Aktivistja Edlira Çepani dhe psikologia Marsela Lekli ishin të ftuara këtë të hënë në Euronews Albania ku kanë komentuar rreth ngjarjes së rëndë e cila dyshohet se ka ardhur si pasojë e dhunës së vazhdueshme psikologjike dhe fizike të bashkëshortit të Alma Arrazit.

Psikologia tha se shpesh fëmijët e rritur në ambiente familjare të dhunshme kanë tendencë të tregohen të dhunshëm edhe kur krijojnë familjet e tyre.

“Kulturën e vendos brenda në familje, që në momentin që ti vjen në këtë jetë. Ti edukohesh nga familja, nëse edukohesh me idenë se ti je mashkulli e mund të bësh ç’të duash dhe gruaja do jetë e nënshtruar. Ai me atë frymë do të rritet, atë do përcjellë te familja e tij, e kështu do vazhdojë zinxhir”,-tha psikologia.

Çepani nga ana tjetër tha se kjo është e vërtetë, por ky cikël duhet të thyhet, e për këtë duhet të ndërhyjnë institucionet.

“Ky cikël duhet thyer dhe për këtë ndihmojnë pikërisht institucionet. Insitucionet arsimore duhet të edukojnë kundër dhunës, të jenë të kujdesshëm me fëmijët dhe e kuptojnë se ka një fëmijë të dhunuar në kohën kur janë në shkollë, duhet të merren masa. Të njoftohet policia e më pas të reagojnë të gjitha institucionet”,-tha Çepani.

LEXONI GJITHASHTU:

• “Do shkoj te…”- Zbardhet biseda e fundit 39-vjeçares me kunatën përpara tragjedisë
• Tragjedia në Shkodër, gjendet në ujërat e Bunës trupi i një fëmije tjetër